6 ივნისს, სახელოვნებო სივრცე „ჰარაკში“ ჰიპ-ჰოპ გაერთიანება „კვალის“ და მუსიკალური ლეიბლის – OneOneWorld-ის პირველი კოლაბორაციული საღამო ჩატარდება.
OneOneWorld საბანას მიერ დაფუძნებული ახალი მუსიკალური ლეიბლია, რომლის მთავარი მიზანია ქართული მუსიკის განვითარება, ახალი სტანდარტების დამკვიდრება და კრეატიული საზღვრების გაფართოება.
საღამო მუსიკალური პროექტის – PUNKT-ის ჰიპ-ჰოპ სელექციით გაიხსნება. მას მოჰყვება ლეიბლის დამფუძნებლის, SabanaYesYes-ის ინსტრუმენტალური ლაივ-შესრულება, დასკვნით ნაწილში კი მსმენელის წინაშე ახალი თაობის ჰიპ-ჰოპ არტისტი Tashyo წარდგება.
საღამოზე მოქმედებს ასაკობრივი შეზღუდვა – 16+. ბილეთების შესაძენად ეწვიეთ ბმულს.
რაც შეეხება ONEONEWORLD-ს, ლეიბლმა უკვე არაერთი ტრეკი წარადგინა, რომელიც სხვადასხვა არტისტის კოლაბორაციით შეიქმნა. ერთ-ერთი ბოლო რელიზია TAIFUN, რომელიც მუსიკალურ ვიდეოსთან ერთად გამოქვეყნდა. ტრეკის ავტორები და შემსრულებლები არიან: Tashyo, Amikko, SabanaYesYes და akasix6six. მუსიკალურ ვიდეოზე ONEONEWORLD-მა ასევე ჰიპ-ჰოპ მოძრაობა „კვალთან“ ერთად იმუშავა.
