Snoop Dogg და მისი ნაყინის კომპანია Dr. Bombay გემოს შემფასებელს ეძებენ.იდეალური კანდიდატის მოსაძებნად სნუპი HR კომპანია Deel-თან თანამშრომლობს. სამუშაო სრულად დისტანციურია, ანაზღაურება შთამბეჭდავი, თვეში 10 000 დოლარია და განაცხადის შეტანა მსოფლიოს ნებისმიერი წერტილიდან ნებისმიერ მსურველს შეუძლია.
სოციალურ ქსელში გამოქვეყნებულ ვიდეოში რეპერმა მიმართვა გავრცელა: „Dr. Bombay-ში ნაყინის საერთაშორისო დეგუსტატორს ვქირაობ. თვეში 10 ათასი, განაცხადის გაგზავნა მსოფლიოს ნებისმიერი წერტილიდან შეგიძლიათ. აღმოჩნდა, რომ გლობალურ ბაზარზე გასვლა ასე მარტივი არ არის. იცით, ფული მიყვარს, მაგრამ საბუთებთან დაკავშირებული ფორმალობები – არა. თუმცა ამ ყველაფერს Deel აგვარებს და ვინ იცის, შეიძლება აქ, ჩემ გვერდითაც აღმოჩნდე. ასე რომ, მზად ხარ გახდე Dr. Bombay-ს ოფიციალური ნაყინის შემფასებელი? მაშინ გადადი Deel.com/Snoop-ზე და გააგზავნე განაცხადი.“
Dr. Bombay ცნობილია ისეთი ნოსტალგიური გემოებით, როგორებიცაა Long Beach Fruit Cart, Sticky Caramel Apple Pie და Peanut Butter Jelly Time.
იხილეთ ვაკანსიის აღწერა და მოთხოვნები.
ვაკანსიის აღწერა:
- საკვებისა და არომატების ტენდენციების დაკვირვება გლობალურ ბაზრებზე
- კულტურულად აქტუალური და სოციალურად გახმაურებული სიახლეების ცოდნა
- ანგარიშის მომზადება იმის შესახებ, თუ რას ჭამენ, სვამენ, აზიარებენ და რაზე საუბრობენ ადამიანები
- დეგუსტაციის პროცესის კონტენტის გადაღება სოციალური ქსელებისთვის ბუნებრივი ფორმატით
- Dr. Maya-ს წარმომადგენლობა
- არომატების იდეების და მარკეტინგული კონცეფციების იდეების შეთავაზება
- Dr. Maya-სა და გუნდთან შეხვედრებში მონაწილეობა მიგნებების განსახილველად
- მიმდინარე კამპანიებსა და არომატების მიმართულებაზე მუშაობაში ჩართვა
მოთხოვნები:
- ღრმა ინტერესი საკვების, კულტურისა და ტენდენციების აღმოჩენის მიმართ
- ძლიერი სოციალური ინსტინქტები
- მარტივი მიგნებების ტექსტურად ჩამოყალიბების უნარი
- კომუნიკაბელური და ცნობისმოყვარე
- აუცილებელი მოთხოვნა: რძის ნაწარმზე დაფუძნებული ნაყინის პროდუქტების სენსორული შეფასების უნარი (გემო, არომატი, ტექსტურა)
- ინგლისური ენის ცოდნა (დამატებითი ენები ჩაითვლება უპირატესობად)
- დამატებით უპირატესობად ჩაითვლება ინტერესი ბიზნესის, ბრენდინგის ან პროდუქტის შექმნის მიმართ
- ღიაა არატრადიციული განაცხადებისა და კონტენტ კრეატორებისთვის
შერჩეულ კანდიდატს სამთვიანი ფიქსირებული ვადით დამოუკიდებელი კონტრაქტორის ხელშეკრულება გაუფორმდება
განაცხადის შეტანა შეგიძლიათ აქ.
