მოუსმინეთ: ფოსთ მელოუნმა ახალი ალბომი Twelve Carat Toothache გამოუშვა

ფოტო: Republic Records

ცნობილმა ამერიკელმა მუსიკოსმა, ფოსთ მელოუნმა რიგით მეოთხე სტუდიური ალბომი Twelve Carat Toothache გამოუშვა. მასში 14 კომპოზიციაა წარმოდგენილი, მათ შორის უიქენდთან ერთად ჩაწერილი One Right Now, როდი რიჩთან თანამშრომლობით შექმნილი Cooped Up, განას მონაწილეობით გამოშვებული I Cannot Be (A Sadder Song), დოჟა ქეთისა და მისი კოლაბორაციული ნამუშევარი I Like You (A Happier Song), მოწვეული არტისტების რანგში სტუდიურ ალბომში აგრეთვე შეხვდებით ქიდ ლაროისა და ბენდს Fleet Foxes.

“ჩანაწერი ბიპოლარობასა და იმაზეა, რომ ყველაფერს აქვს ორი მხარე. ვფიქრობ, ეს იქნება ჩემი ყველაზე გულწრფელი ალბომი, აქამდე რაც კი გამომიშვია და ერთი სული მაქვს, ხალხი როდის მოისმენს მას. თითოეული სიმღერა თავის ისტორიას გვიყვება”, – აღნიშნა არტისტმა Apple Music 1-ის ეთერში, ჟურნალისტ ზეინ ლოუისთან ინტერვიუში ალბომის გამოშვებამდე.

ოსტინ რიჩარდ პოსტმა მუსიკალური მოღვაწეობა 2013 წელს დაიწყო. ფსევდონიმი Post Malone მას რეპერის სახელის ონლაინ გენერატორმა შესთავაზა. არტისტისთვის წარმატების მომტანი აღმოჩნდა 2015 წლის ჰიტი White Iverson, რომელიც ბილბორდის ცხელ ასეულში მე-14 ადგილზე გავიდა. ამის შემდეგ მან გავლენიან ლეიბლ Republic Records-თან გააფორმა კონტრაქტი. 2016 წელს შემსრულებელმა სადებიუტო ალბომი Stoney გამოუშვა, რომელშიც ბრილიანტის სტატუსის მქონე სინგლი Congratulations შევიდა. ფოსთის მომდევნო ორმა სტუდიურმა ჩანაწერმა Beerbongs & Bentleys და Hollywood’s Bleeding ჩარტ Billboard 200-ში პირველი ადგილი დაიმსახურა. არტისტს დღემდე მსოფლიოში 80 მილიონი ჩანაწერი აქვს გაყიდული. მისი შემოქმედება პოპის, ჰიპ ჰოპის, არენბისა და თრეფის სინთეზია.

Share
Tweet
Share
Share
Share

წინა სტატია

ნახეთ: დოჟა ქეთი ფილმის Elvis საუნდტრეკს Vegas ავრცელებს

შემდეგი სტატია

ნახეთ: Megan Thee Stallion კლიპს Plan B ავრცელებს

შეიძლება დაგაინტერესოთ

21-ე საუკუნის უდიდესი პოპვარსკვლავები: ნომერი 15 – მაილი საირუსი

მისი დებიუტი სატელევიზიო შოუს მთავარი პერსონაჟის, ჰანა მონტანას როლში შედგა. შემდეგ კი მსოფლიოს საკულტო პოპვარსკვლავად იქცა.
მეტი

განუსაზღვრელი შემოქმედებითი პაუზის დაანონსების შემდეგ ადელის ფინალური კონცერტის ბილეთების ფასები რეკორდულად გაიზარდა

შოუს სტანდარტული ფასი 400-დან 1000 დოლარამდეა, თუმცა მაღალი კლასის ადგილების ფასებმა 18 ათას დოლარსაც გადააჭარბა.
მეტი
Karol G და ანდრეა ბოჩელი Decca Records / Sugar Music

კაროლ ჯიმ და ანდრეა ბოჩელიმ დუეტი გამოსცეს

იტალიელი ტენორის მომავალ დუეტების ალბომში ასევე იქნება კოლაბორაციები ედ შირანთან, სელინ დიონთან, ჯენიფერ ლოპესთან და სხვა ცნობილ შემსრულებლებთან.
მეტი

ფოტო, რომელიც ჯასტინ ტიმბერლეიკს პოლიციის განყოფილებაში დაკავებისას გადაუღეს, ხელოვნების ნიმუშად იქცა

ტიმბერლეიკი პოლიციამ ნასვამ მდგომარეობაში ავტომობილის მართვის გამო დააკავა.
მეტი