ცნობილმა ამერიკელმა მომღერალმა, ოლივია როდრიგომ MTV Movie & TV Award-ზე საუკეთესო მუსიკალური დოკუმენტური ფილმის კატეგორიაში ნამუშევრით driving home 2 u (a SOUR film) გაიმარჯვა. 19 წლის შემსრულებელის გარდა ნომინაციაში წარდგენილი იყვნენ: ჯგუფი The Beatles სურათით The Beatles: Get Back, ჯენეტ ჯექსონი ფილმით JANET JACKSON, ქანიე ვესთის jeen-yuhs: A Kanye Trilogy და ბენდ Oasis-ის Oasis Knebworth 1996.
• ნახეთ: ოლივია როდრიგო Met Gala-ზე
ოლივია როდრიგო ახალგაზრდა მსახიობი და მუსიკოსია, რომელსაც პოპულარობა Disney Channel-ის სერიალებში Bizaardvark და High School Musical: The Musical: The Series შესრულებულმა მთავარმა როლებმა მოუტანა. 2021 წლის 8 იანვარს არტისტმა სადებიუტო კომპოზიცია Drivers License გამოაქვეყნა. სინგლმა მსოფლიოს სხვადასხვა ქვეყნის ჩარტებში, მათ შორის, აშშ-სა და დიდ ბრიტანეთში, პირველი ადგილის დაკავება მოახერხა. ამავე წელს ოლივიამ ალბომი Sour გამოუშვა, რომელმაც მას გრემის სამი ჯილდო მოუტანა.
