სამხრეთკორეულმა ბოიბენდმა BTS დაანონსებულ კრებულში Proof შესული მესამე კომპაქტ დისკის ტრეკლისტიც გამოაქვეყნა. ცნობილი გახდა, რომ მასში 14 სიმღერა იქნება თავმოყრილი.
• ნახეთ: BTS კრებულის Proof ტრეკლისტს აქვეყნებს
აღმოჩნდა, რომ მესამე დისკზე ბენდის დემო ნამუშევრები იქნება წარმოდგენილი, მაგალითად: Young Forever არემის, DNA ჯეი ჰოუპის, Epiphany კი ჯინის შესრულებით, შუგას ნამღერი Seesaw, ჯონგუქის Still With You და ა.შ. მასზე მსმენელი აგრეთვე იხილავს ორ ახალ კომპოზიციას: Young Love და Quotation Marks.
#BTS #방탄소년단 #BTS_Proof Tracklist CD 3 pic.twitter.com/oSrvajLrPU
— BIGHIT MUSIC (@BIGHIT_MUSIC) May 10, 2022
კრებულში შემავალი პირველი ორი კომპაქტ დისკის ტრეკლისტი “ბითიესმა” 9 მაისს გაავრცელა. პირველ მათგანზე იქნება ბილბორდის ცხელი ასეულის ჰიტები, მათ შორის ჰოლზისთან ერთად ჩაწერილი Boy With Luv, DNA, ON, IDOL, Dynamite, Butter და ახალი სიმღერა Yet to Come. მეორე დისკზე კი Her, Filter, Stay, Moon და სხვა ნამუშევრებს მოისმენთ.
#BTS #방탄소년단 #BTS_Proof Tracklist CD 1 pic.twitter.com/TmT757EBeO
— BIGHIT MUSIC (@BIGHIT_MUSIC) May 8, 2022
#BTS #방탄소년단 #BTS_Proof Tracklist CD 2 pic.twitter.com/0Kan4mZNMK
— BIGHIT MUSIC (@BIGHIT_MUSIC) May 9, 2022
კოლექტივი ახალ კრებულს Proof ათ ივნისს ჩაუშვებს გაყიდვაში.
BTS სეულში 2013 წელს ჩამოყალიბდა. მუსიკოსებს განსაკუთრებული პოპულარობა სიმღერებმა Dope, Fire, DNA და I Need U მოუტანა. 2019 წელს “ბითიესი” ბილბორდის დაჯილდოებაზე საუკეთესო ჯგუფად აღიარეს. ამასთან, ის გრემის ისტორიაში პირველი სამხრეთკორეული პროექტი გახდა, რომელიც ღონისძიებაზე პერფორმანსით წარდგა. კოლექტივს დღემდე 9 სტუდიური ალბომი აქვს გამოცემული. აღსანიშნავია, რომ ბენდი მათ იაპონურ ენაზეც უშვებს. ბიჭებს ისეთ ვარსკვლავებთან უთანამშრომლიათ, როგორებიც არიან: Halsey, Megan Thee Stallion, Coldplay და სხვა.
