„ვფიქრობ, ის საოცრებებს ჩაიდენს.“ – თქვა მარგო რობიმ, ლედი გაგას შესახებ, რომელმაც შესაძლოა ფილმში Joker: Folie à Deux ყოფილი ფსიქიატრის, ჰარლი ქუინის როლი შეასრულოს.
მიუხედავად იმისა, რომ ოფიციალურად ლედი გაგას ფილმში მონაწილეობა არ არის დადასტურებული, მარგო რობი მის კანდიდატურას დადებითად აფასებს.
რობიმ ბოლოს, 2021 წელს ფილმში The Suicide Squad, („თვითმკვლელთა რაზმი“) ჰარლი ქუინის როლი განასახიერა.
„ეს ამბავი ძალიან გამახარებს, რადგან თავიდანვე აღვნიშნე, რომ ჰარლი ქუინის როლზე საუკეთესო კანდიდატი სწორედ ლედი გაგა იქნება.“ – განაცხადა რობიმ MTV News-თან ინტერვიუში.
„ჩემთვის პატივია ვიყო პირველი ჰარლი ქუინის როლის შემსრულებელი, რომლის შესრულებაც ახლა სხვა მსახიობებსაც შეეძლებათ. მგონია, რომ ლედი გაგა ამ როლს საუკეთესოდ შეასრულებს“. – მარგო რობი
ხუაკინ ფენიქსისგან განსხვავებით, რომელიც ჯამბაზი კრიმინალი პრინცის როლს ირგებს, ლედი გაგას, ფილმ Joker 2 – ში, ჰარლი ქუინის როლის თამაში ჯერ არ დაუდასტურებია. პერსონაჟი ცნობილია თავისი ურთიერთობით ჰარლი ქუინთან, რომელიც ფილმში მისი პარტნიორი და შეყვარებული ხდება.
კინოთეატრებში ფილმი Joker: Folie à Deux 2024 წლის 4 ოქტომბერს გამოვა.
