რიანამ შვილის პირველი ფოტო გამოაქვეყნა

რიანას და A$AP Rocky-ის შვილის სახელი საჯაროდ ამ დრომდე არ გაუმხელიათ.

რიანამ შვილის ფოტო გაასაჯაროვა. ფოტო ბრიტანული Vogue-ის ფოტოსესიის ნაწილია, რომელიც 15 თებერვალს გამოვიდა. რიანას ვაჟი თავისი პარტნიორისგან, რეპერ A$AP Rocky-ისგან 2022 წელს შეეძინა. 

„ჩემი მშვენიერი შვილი“ – პოპ ვარსკვლავმა ინსტაგრამზე გამოქვეყნებულ ფოტოს ეს აღწერა დაურთო. რიანას და A$AP Rocky-ის ბავშვის სახელი საჯაროდ ამ დრომდე არ გაუმხელიათ.

ბრიტანული Vogue-ის ნომერში რიანამ ისაუბრა, თუ როგორ  შეცვალა დედობამ მისი პრიორიტეტები და ხედვა –  „ეს ყველაფერია. ცხოვრება, რომელიც აქამდე გქონდა, ნამდვილად გავიწყდება. არსებობს წარსული დღეების ამსახველი ფოტოები – მაგრამ იმ გრძნობებთან, ემოციებთან, სურვილებთან, იმ ყველაფერთან რითაც სიამოვნებას იღებდი, საკუთარ თავს ვეღარ აკავშირებ. საკუთარ თავს ასე შორს რაციონალურად აღარ უშვებ, რადგან ამ ყველაფერს მნიშვნელობა აღარ აქვს“ – ვარსკვლავი ბრიტანულ Vogue-თან საუბრისას აღნიშნავს.

ამჟამად რიანა მეორე შვილს ელოდება. ვარსკვლავმა ორსულობა Super Bowl LVII-ის ტაიმებს შორის გამართულ მუსიკალურ შოუზე გაამჟღავნა. 13-წუთიანმა შოუმ მომღერლის მუსიკალური კარიერიდან ცნობილი ჰიტები გააერთიანა, მათ შორის: Where Have You Been, We Found Love, Rude Boy, Work, Umbrella და სხვა.

ინტერვიუში რიანამ ასევე მიანიშნა ახალი ალბომის გამოცემის გეგმის შესახებ, რასაც მსმენელები უკვე დიდი ხანია ელიან – „ვისურვებდი, რომ წელს იყოს, გულწრფელად. თუმცა, უბრალოდ გართობა მინდა. მინდა მუსიკა შევქმნა და ვიდეოებზე ვიმუშაო“

ნახეთ რიანას და A$AP Rocky-ის საერთო შვილის პირველი ფოტო:

Share
Tweet
Share
Share
Share

წინა სტატია

მანანა მენაბდე მსმენელის წინაშე მონატრებული პროგრამით წარდგა. „ხანდახან ეჭვი გეპარება საკუთარ თავში: ნუთუ კიდევ უნდათ…” 

შემდეგი სტატია

მაილი საირუსი - Endless Summer Vacation

მაილი საირუსმა ვალენტინობის დღეს ყვავილები საკუთარ თავს უყიდა

შეიძლება დაგაინტერესოთ

„მგზავრების” გზავნილი საქართველოს ნაკრებს ევროპის ჩემპიონატის სადებიუტო მატჩამდე: ნახეთ ახალი სიმღერის ვიდეოკლიპი

„ისტორიული მატჩის წინ წარმატებებს ვუსურვებთ საქართველოს! გამარჯვება საქართველოს!”
მეტი