მადონამ მაქს მარტინთან ერთად სტუდიაში გადაღებული ფოტო გამოაქვეყნა

„როდესაც ეჭვები გაწუხებს, იმუშავე. ხმაურს და უარმყოფელ ხმებს არაფერი აჩერებს ისე, როგორც შემოქმედებით პროცესში ყოფნა“ – წერს მადონა ინსტაგრამზე.
ფოტო: რიკარდო გომესი

Მადონამ ინსტაგრამზე სტუდიაში გადაღებული ფოტო გამოაქვეყნა. ფოტოზე მასთან ერთად მუსიკალური პროდიუსერი მაქს მარტინია აღბეჭდილი. „როდესაც ეჭვები გაწუხებს, იმუშავე. ხმაურს და უარმყოფელ ხმებს არაფერი აჩერებს ისე, როგორც შემოქმედებით პროცესში ყოფნა“ – წერია ფოტოს აღწერაში. 

მადონამ სტუდიური ალბომი, სახელწოდებით Madame X 2019 წელს გამოუშვა. 2022 წელს მან ასევე გამოსცა რემიქს ალბომი – Finally Enough Love.

მადონა წელს გლობალური ტურნესათვის ემზადება. Პოპ ვარსკვლავის მასშტაბური საზეიმო ტურნე, რომელიც 15 ივლისს დაიწყება და  პირველ დეკემბრამდე გაგრძელდება, მომღერლის შემოქმედების 40-წლიან ისტორიას ეძღვნება. 

თებერვალში მადონა სოციალური მედიის ყურადღების ცენტრში მოხვდა.  2023 წლის „გრემის მუსიკალურ დაჯილდოებაზე“  გამოჩენის შემდეგ იგი გადაჭარბებული პლასტიკური ქირურგიული ჩარევის გამო გააკრიტიკეს. მადონამ ამ კრიტიკას ინსტაგრამზე გამოქვეყნებული პოსტით უპასუხა. „კიდევ ერთხელ აღმოვჩნდი ეიჯიზმისა და მიზოგინიის მიზანში. Ეს არის სამყარო, რომელიც 45 წელს გადაცილებულ ქალებს ივიწყებს და მათ დასჯას საჭიროდ მიიჩნევს, თუ კი ეს ქალები  კვლავაც შეუპოვრები, შრომისმოყვარეები და თავგადასავლების მაძიებლები არიან“ – აღნიშნა მადონამ. 

მადონამ ყურადღება გაამახვილა იმაზე, რომ საკუთარი გარეგნობის გამო ბოდიში არასდროს მოუხდია და ამას არც მომავალში აპირებს.

Share
Tweet
Share
Share
Share

წინა სტატია

The Eras Tour: ნახეთ ფოტოები ტეილორ სვიფტის ტურნეს გამხსნელი კონცერტიდან

შემდეგი სტატია

SMASH - ფოტო: პატრიკ რანდაკი

ამერიკული მუსიკალური სატელევიზიო სერიალი Smash 2024-25 წლის ბროდვეის სეზონისთვის ემზადება

შეიძლება დაგაინტერესოთ

The Weeknd-მა ხანძრის შედეგად დაზარალებული ლოს-ანჯელესის დასახმარებლად 1 მილიონი დოლარი გაიღო

უფრო ადრე, არტისტმა ლოს-ანჯელესში დაგეგმილი მუსიკალური შოუ გააუქმა და ალბომის გამოცემა გადადო.
მეტი

რეჟისორი დევიდ ლინჩი 78 წლის ასაკში გარდაიცვალა

ლინჩის პროექტები სხვადასხვა დროს Billboard-ის ჩარტებშიც მოხვდა. მან ასევე იმუშავა მუსიკალურ ვიდეოებზე. მათ შორის არის ვიდეოები Nine Inch Nails-ის 2013 წლის ჰიტზე Came Back Haunted და Moby-ს 2009 წლის სიმღერაზე Shot in the Back of the Head.
მეტი

ბობ დილანი ტიკტოკს შეუერთდა

ფანების ყურადღება აპლიკაციაში მუსიკოსის დაგვიანებულმა გამოჩენამ მიიქცია - რამდენიმე დღით ადრე აშშ-ში ტიკტოკის მოსალოდნელ აკრძალვამდე.
მეტი