ნუცა ბუზალაძეს American Idol-ში მაყურებლის მხარდაჭერა სჭირდება. 

ქართველი მომღერალი ჟიურისა და მაყურებლის წინაშე 17 აპრილს წარდგება.

American Idol-ში ხმის მიცემის ეტაპი იწყება. ჟიურის მიერ არჩეული ტოპ 26 მონაწილის ბედს, რომელთა შორისაც ნუცა ბუზალაძეც მოხვდა, ახლა უკვე მაყურებელი გადაწყვეტს. ხმის მიცემა 16 აპრილიდან დაიწყება და შესაძლებელი იქნება მხოლოდ შოუს მსვლელობის დროს.  26 მონაწილე ორ ნაწილად – 16 და 17 აპრილს იმღერებს. თითოეული კონცერტის დასრულებისას მაყურებელი გამოავლენს, თუ ვინ გადავა მოცემული დღის გამომსვლელთაგან შემდეგ ტურში. ნუცა ბუზალაძე ჟიურისა და მაყურებლის წინაშე 17 აპრილს წარდგება. სწორედ ამ დროს შეძლებთ მისთვის ხმის მიცემას. ხმის მიცემა კი შესაძლებელია მხოლოდ ამერიკის ტერიტორიიდან.

შოუ ლოს ანჯელესის დროით 17:00 საათზე, ნიუ-იორკის დროით 20:00 საათზე, ხოლო თბილისის დროით დილის 4 საათზე დაიწყება. თუმცა საქართველოდან ხმის მიცემა შესაძლებელი არ არის. ამერიკის ტერიტორიაზე მყოფ გულშემატკივარს კი ხმის მისაცემად სამი გზა აქვს: 1. ბმულზე https://idolvote.abc.com, სადაც უნდა დარეგისტრირდეთ და ხმა მისცეთ თქვენს რჩეულს. 2. American Idol-ის აპლიკაციაში, რომელიც შეგიძლიათ ჩამოტვირთოთ და ხმა მისცეთ თქვენს რჩეულს. 3. თქვენი რჩეულის კონკრეტული SMS ნომრით, რომლის გაგზავნასაც მობილური ტელეფონით შეძლებთ (მონაწილეთა SMS ნომრები ამ ეტაპზე ცნობილი არ არის). ერთ კვირაში ერთ ადამიანს თითოეული გზით 10-ჯერ შეუძლია ხმის მიცემა, რაც ნიშნავს იმას, რომ შეგიძლიათ 10-ჯერ მისცეთ ხმა ABC-ის ვებგვერდის ბმულზე, ასევე 10-ჯერ მისცეთ ხმა აპლიკაციაში და 10 SMS გაგზავნოთ თქვენი რჩეულის ნომერზე. ჯამში ერთ ადამიანს კვირაში 30 ხმის მიცემა შეუძლია – მხოლოდ კონცერტების მსვლელობის დროს. 

ხმის მიცემა არ არის შესაძლებელი საქართველოდან. ხმის მისაცემად აუცილებელია იმყოფებოდეთ ამერიკის შეერთებულ შტატებში, პუერტო-რიკოსა ან აშშ-ის ვირჯინის კუნძულებზე და იყოთ მინიმუმ 16 წლის. 

Share
Tweet
Share
Share
Share

წინა სტატია

მილი ბობი ბრაუნმა ნიშნობის შესახებ პოსტს ტეილორ სვიფტის სიმღერის ტექსტი დაურთო

შემდეგი სტატია

The National - ფოტო: Josh Goleman

The National-ის და ფიბი ბრიჯერსის ახალი ვიდეო კლიპი – Your Mind Is Not Your Friend

შეიძლება დაგაინტერესოთ

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი

უნიკალური ტენდენციები, რომლებიც იაპონიის მუსიკალური დაჯილდოებისა და ბილბორდ იაპონიის ჩარტის შედარებამ გამოკვეთა

ნახეთ მსგავსებები და განსხვავებები წლის სიმღერის კატეგორიაში განსახილველ 256 სიმღერასა და ბილბორდ იაპონიის Hot 100-ს შორის.
მეტი