ოზი ოსბორნის თქმით, კანიე უესტმა მისი მუსიკა ნებართვის გარეშე გამოიყენა. „კანიე უესტმა ნებართვა ითხოვა, რომ 1983 წელს ცოცხლად შესრულებული WAR PIG-ის მონაკვეთი გამოეყენებინა. თხოვნაზე უარი მიიღო, რადგან ის ანტისემიტია და ბევრ ადამიანს მიაყენა ტკივილი. მიუხედავად ამისა, მან ჩემი სიმღერის მონაკვეთი ალბომის წარდგენაზე მაინც გამოიყენა. მე არ მსურს, რაიმე მაკავშირებდეს ამ კაცთან,” – წერს ოსბორნი ინსტაგრამისა და ტვიტერის პოსტებში.
უესტის ახალი ალბომის (Vultures) პრეზენტაცია 8 თებერვალს გაიმართა. ღონისძიებაზე ასევე გამოვიდა კანიესა და ტაი დოლა საინის სინგლი Talking / Once Again, სადაც უესტის 10 წლის ქალიშვილი ნორსიც მონაწილეობს. ალბომის პირველი ნაწილი კი მომდევნო დღეს, 9 თებერვალს გამოვიდა. მეორე და მესამე ნაწილების გამოსვლა 8 მარტსა და 5 აპრილს არის დაგეგმილი.
კანიე უესტს ანტისემიტიზმში ბრალი მისი შარშანდელი განცხადებებისა და სლოგანის White Lives Matter დასდეს. დეკემბერში რეპერმა ებრაულ თემს ბოდიში მოუხადა.
„ჩემი მიზანი არ ყოფილა ვინმეს შეურაცხყოფა ან დამცირება და ძალიან ვნანობ, რომ ბევრ ადამიანს ტკივილი მივაყენე,” – დაწერა უესტმა ინსტაგრამზე. „გადავწყვიტე, საკუთარი თავიდან დავიწყო და ამ გამოცდილებაზე ვისწავლო. თქვენი მიტევება ჩემთვის ძალიან მნიშვნელოვანია.”
ნახეთ ოზი ოზბორნის პოსტი:
. @KANYEWEST ASKED PERMISSION TO SAMPLE A SECTION OF A 1983 LIVE PERFORMANCE OF “IRON MAN” FROM THE US FESTIVAL WITHOUT VOCALS & WAS REFUSED PERMISSION BECAUSE HE IS AN ANTISEMITE AND HAS CAUSED UNTOLD HEARTACHE TO MANY. HE WENT AHEAD AND USED THE SAMPLE ANYWAY AT HIS ALBUM…
— Ozzy Osbourne (@OzzyOsbourne) February 9, 2024
