უმსხვილესი ბილეთების საძიებო სისტემის კომპანიამ SeatPick-მა კვლევა ჩაატარა, რომლის თანახმადაც შაკირას ცნობილი სიმღერა Waka, Waka (This Time For Africa) ყველა დროის ყველაზე ცნობილ საფეხბურთო ჰიმნად დასახელდა.
შაკირას და ბენდ Freshlyground-ის ერთობლივი სიმღერა Waka Waka 2010 წლის მსოფლიო ჩემპიონატის დროს FIFA-ოფიციალური სიმღერა იყო.
“მთავარი ფრაზა, Waka Waka, სიმღერაში მისი მნიშვნელობის ხაზგასასმელად არაერთხელ მეორდება, რაც კამერუნულ ენაზე “გააკეთეს” ნიშნავს. 1:04-ზე სიმღერაში მნიშვნელოვანი ცვლილებაა – ახალი ინსტრუმენტი შემოდის, რათა მელოდიას მეტი ვარიაცია შემატოს. გარდა ამისა, 2:12-ზე ახალი ვოკალისტი მეტი უნიკალურობის და ეგზოტიკურობის განცდას ქმნის მსმენელში” – განაცხადა მუსიკის პროფესორმა ჯეიკობ კოენმა.
SeatPick-მა კვლევა უეფას ევროპის საფეხბურთო ჩემპიონატთან დაკავშირებით ჩაატარა, რომელიც სტარტს 14 ივნისიდან 14 ივლისამდე გერმანიაში აიღებს. კვლევის მეთოდოლოგია მოიცავდა: მსოფლიოს ჩემპიონატის საუკეთესო 25 სიმღერის შეჯამებას პლატფორმებიდან Deezer, NME, ThisIsDig და UDiscoverMusic, Spotify API-დან მონაცემების აღებას. კვლევაში ასევე გათვალისწინებული იყო YouTube- ვიდეოების ნახვები. მონაცემები 2022 წლის შეგროვდა.
2010 წლის ივლისში სიმღერა Waka Waka Billboard-ის ლათინური მუსიკის ჩარტებში მეორე ადგილზე გავიდა და 42 კვირა დაჰყო ლათინური ციფრული სიმღერების გაყიდვების სათავეში.
2022 წლის FIFA მსოფლიო ჩემპიონატის დროს კატარში სიმღერა კვლავ გამოჩნდა ჩარტებში. მისი დებიუტი Billboard Global Excl-ზე შედგა და ისტორიაში შევიდა, როგორც მსოფლიო ჩემპიონატის ერთადერთი ოფიციალური სიმღერა, რომელიც ბილბორდის გლობალურ ჩარტებში გამოჩნდა.
SeatPick-ის მიერ ჩატარებული კვლევის თანახმად ფეხბურთის ჰიმნებს შორის დასახელდა ასევე რიკი მარტინის სიმღერა La Copa de la Vida, Pitbull-ის We Are One (Ole, Ola) და ნიკი ჯემის Live It Up.
ნახეთ სრული სია:
