მუსიკოს უილი ნელსონს აპრილში 91 წელი შეუსრულდა, თუმცა მისი შემოქმედებითი კარიერა კვლავაც აქტიურია. ქანთრი ჟანრის ვარსკვლავმა ახლახან 75-ე ალბომი წარადგინა, რომელიც მის კარიერაში საბოლოო სტუდიური ჩანაწერია. Border – ასე ჰქვია ალბომს და ის 31 მაისს გამოიცა.
The Border ხმის ჩამწერმა კომპანია Legacy Recordings-მა გამოსცა და ის 10 სიმღერას აერთიანებს. Მათგან ხუთი ტრეკის თანაავტორები ბადი კენონი და ბობი ტომბერლინი არიან. უილი ნელსონი თავის ალბომში ტრადიციისამებრ აგრძელებს ქანთრი ჟანრის მუსიკაში მოღვაწე სიმღერების ავტორების წარმოჩენას. Ნელსონი ამ ახალ ნამუშევარში სხვადასხვა ავტორების მიერ დაწერილი სიმღერების საკუთარ ვერსიებს გვთავაზობს.
2024 წელი ნელსონის შემოქმედებით მოღვაწეობაში მნიშვნელოვანი პერიოდია. 4 ივლისს არტისტი ტრადიციისამებრ გამართავს მუსიკალურ ღონისძიებას, რომლის ლაინაფში ვხვდებით ისეთ ცნობილ მუსიკოსებს, როგორიც მაგალითად ბობ დილანია. უილი ნელსონი წელს ასევე იქნება Outlaw Music Festival Tour-ის ჰედლაინერი. ფესტივალი 21 ჯორჯიის შტატში 21 ივნისს იწყება.
მოუსმინეთ უილი ნელსონის ალბომს – Border.
