კიტ ურბანი საინტერესო სიახლეებით ბრუნდება. თითქმის ოთხწლიანი პაუზის შემდეგ, 2024 წლის 20 სექტემბერს, მუსიკოსის ახალი ალბომი High გამოვა.
ალბომი High 2020 წელს გამოცემული The Speed of Now Part 1-ის შემდეგ მისი პირველი ნამუშევარია. ახალი ალბომი კიტ ურბანის მუსიკალურ მოგზაურობაზე გვიყვება და ადამიანური კავშირის თემებს იკვლევს, თუ რას ნიშნავს სიცოცხლე, გათავისუფლება, იმედი, ნოსტალგია და პირადი ცხოვრებისეული გამოცდილებები.
„ყოველთვის მიზიდავდა ცხოვორებისეული თემები, რადგან ეს ყველაფერია, რაც არსებობს ჩვენს გარშემო და საკმაოდ რთული გასაკეთებელია”. – თქვა ურბანმა თავისი ბოლო პროექტის შესახებ.
კიტ ურბანმა ასევე განმარტა ალბომ High-ის სახელწოდება: ”ეს შეგრძნება შეიძლება სხვადასხვანაირად იყოს აღქმული – შეიძლება იყოს ფიზიკური, სულიერი, მცენარეული, მედიტაციური, ქიმიური ან მუსიკალური, მაგრამ ეს ნამდვილად უტოპიის ადგილია”.
კიტ ურბანისთვის ეს სიმაღლეები მოდის მისი ოჯახის, მეგობრებისა და ცოცხალი მუსიკის დაკვრის დროს მიღებული დადებითი ემოციებისგან. „გიტარაზე დაკვრა, სიმღერების წერა, და ადგილები სადაც ყოველთვის თავს კარგად ვგრძნობ. ყოველ ღამე მაქვს იმის საშუალება, რომ ხალხს დადებითი ენერგიის და თავისუფლების შეგრძნება ვაჩუქო, რისიც ძალიან მადლიერი ვარ.”
მუსიკოსის მომავალ ალბომში მრავალფეროვანი სიმღერებია წარმოდგენილი, სადაც თითიეულს უნიკალური ისტორია აქვს. გარდა სინგლისა Wildside, ალბომი მოიცავს ისეთ სიმღერებს, როგორიცაა Straight Line, Go Home W U, რომელშიც მონაწილეობს ლეინი უილსონი და მიმდინარე სინგლი Messed Up As Me.
კიტ ურბანის მუსიკალური კარიერა ზენიტშია, წელს ის სიმღერების ავტორის დიდების დარბაზში შეიყვანეს. მუსიკოსი ცნობილ მუსიკალურ პროექტ American Idol-ში მენტორად დაბრუნდა და წარდგა ისეთ დიდ ღონისძიებაზე, როგორიც არის Formula 1 Heineken Silver Las Vegas Grand Prix- ის გახსნის ცერემონია.
კიტ ურბანის ალბომ High-ში შესული სიმღერების სია კი ასე გამოიყურება.
Blue Sky (Prelude)
Straight Line
Messed Up As Me
Wildside
Go Home W U (With Lainey Wilson)
Chuck Taylors
Daytona
Love Is Hard
Heart Like A Hometown
Laughin’ All The Way To The Drank
Dodge In A Silverad
