რამდენიმე დღის წინ როკ-ბენდმა will kolak ახალი სიმღერა, სახელწოდებით MZES გამოაქვეყნა. სინგლი მათ მომავალ ალბომ GET DOWN-ში შევა, რომლის გამოსვლაც უახლოეს მომავალში იგეგმება. სიმღერას ბენდის სხვა ტრეკებისგან განსხვავებით მინორული ჟღერადობა და სევდიანი ხასიათი აქვს. აღსანიშნავია, რომ ბენდის არაერთი ვიდეოკლიპის მსგავსად, ამ ვიდეოვიზუალზეც ლიკა ბაინდურაშვილმა იმუშავა.
თორნიკე ცორიკიშვილი, will kolak-ის ვოკალიტი:
„ბოლო პერიოდში უამრავი ტრაგიკული ამბავი დატრიალდა ჩვენ გარშემო, ეს ყველაფერი კი უკვალოდ არ გადის. მოქმედებს როგორც განწყობაზე, ასევე songwriting-ზეც. ცოტა ხნით დავაპაუზეთ კომფორტის ზონა, და მინორი წამოვწიეთ წინ. ბალადები არ გვიყვარს და ცხადია, არც ამ ტრეკს ვეძახით ბალადას, უფრო განწყობის ამბავია. ვიდეოს იდეა ტრეკის ხასიათმა განაპირობა, მასზე იმუშავა ჩვენმა მეგობარმა ლიკა ბაინდურაშვილმა, რომელიც ჩვენი არაერთი ვიდეოს ავტორია (nicotine, you are okay, KHMAS etc.) მან ზუსტად იცის, თუ რა და როგორ მოუხდინოს ჩვენს ჟღერადობას. დიდი მადლობა ლიკას ამ მეგობრობისთვის.
ახლა ალბომის დასრულების პროცესში ვართ, რომელსაც დასაწყისისთვის სინგლებად შევთავაზებთ მსმენელს და მეგობრებს. ალბომს ერქმევა GET DOWN და ხასიათითა და ჟღერადობით განსხვავებული იქნება პირველ ალბომთან შედარებით.”
მოისმინეთ will kolak-ის სიმღერა MZES
