მუქი

კურტ კობეინის კუთვნილი, MTV Unplugged-ის სახელით ცნობილი აკუსტიკური გიტარა ევროპაში პირველად გამოიფინება

გიტარის მოდელი, სახელწოდებით Martin D-18E ლონდონის სამეფო მუსიკალური კოლეჯის მუზეუმის გამოფენის ნაწილი იქნება.
კურტ კობეინი (1967–1994) ჯგუფ Nirvana-თან ერთად MTV Unplugged-ის გადაღებაზე. ნიუ-იორკი, 1993 წლის 18 ნოემბერი.
Frank Micelotta/Getty Images

კურტ კობეინის კუთვნილი ცნობილი ინსტრუმენტი ევროპაში პირველად გამოიფინება. ლონდონის სამეფო მუსიკალური კოლეჯის განაცხადებით, 2025 წლის 3 ივნისს გაიხსნება ექსპოზიცია, სახელწოდებით Kurt Cobain Unplugged, რომელიც 18 ნოემბრამდე გაგრძელდება. გამოფენაზე წარმოდგენილი იქნება Nirvana-ს გარდაცვლილი ფრონტმენის Martin D-18E გიტარა, რომელიც სპეციალურად ცაციებისთვის იყო ადაპტირებული.  

„გაეცანით კურტ კობეინის სამყაროს და Nirvana-ს მემკვიდრეობას – ბენდს, რომელმაც მთელ თაობაზე მოახდინა გავლენა. კიდევ ერთხელ გავიხსენოთ 1993 წლის MTV Unplugged-ის საკულტო შესრულება, რომელიც Nirvana-ს ბოლო სატელევიზიო გამოსვლებიდან ერთ-ერთი იყო და კობეინის გარდაცვალებამდე მხოლოდ ხუთი თვით ადრე ჩაიწერა,“ – ვკითხულობთ გამოფენის აღწერაში. აღსანიშნავია, რომ 2020 წელს ეს ინსტრუმენტი აუქციონზე ყველაზე ძვირად გაყიდული გიტარა გახდა. ის ავსტრალიელმა ბიზნესმენმა, პიტერ ფრიდმანმა (Peter Freedman AM) შეიძინა და

მასში 6 მილიონ დოლარზე მეტი გადაიხადა.  გამოფენაზე კობეინის გიტარა პირველად იქნება წარმოდგენილი კიდევ ერთ საკულტო ნივთთან ერთად – ცნობილ მოსაცმელთან, რომელიც მომღერალს MTV Unplugged-ის იმავე, 1993 წლის ნოემბრის კონცერტზე ეცვა.  

„როდესაც ეს გიტარა შევიძინე, ჩემი მიზანი იყო, რომ ის მსოფლიო საგამოფენო ტურით მეჩვენებინა,” – განაცხადა ფრიდმანმა პრესრელიზში. „მოხარული ვარ, რომ ეს იდეა პირველად ლონდონის სამეფო მუსიკალურ კოლეჯში ხორციელდება.”

ექსპოზიცია სტუმრებს განსაკუთრებულ აქტივობასაც სთავაზობს: დამსწრე ოჯახებს საშუალება ექნებათ, შექმნან გიტარები საკუთარი დიზაინით და შეასრულონ Nirvana-ს ყველაზე ცნობილი ჰიტები Guitar Hero 5-ზე. 

Share
Tweet
Share
Share
Share

წინა სტატია

ფინეასი და ბილი აილიში, 2024 წლის 17 დეკემბერი, კალიფორნია

ბილი აილიშმა და ფინეასმა ახალი მენეჯმენტი დაიქირავეს

შემდეგი სტატია

ერიკა ბადუ ქალებს ხოტბას ასხამს და ამტკიცებს, თუ რატომ არის საკულტო პერსონა

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი