ემინემის ქალიშვილმა, ჰეილი ჯეიდმა, დედობის ერთ-ერთი პირველი მნიშვნელოვანი ეტაპი მამას მიუძღვნა. ჰეილიმ გააზიარა შვილის, 4 თვის ელიოტის ფოტო განსაკუთრებული ჩაცმულობით: ჰეილიმ მას ცნობილი წითელ-მწვანე სუპერგმირის, Rap Boy-ს კოსტიუმი ჩააცვა, ეს არის იმ ტანსაცმლის პატარა ზომის ვერსია, რომლითაც რეპერი გამოჩნდა 2009 წლის ვიდეოკლიპში – Without Me.
Shady Baby-ს სახელით ცნობილი ბოდე, რომელსაც ელიოტი ატარებს, ემინემის ოფიციალურ ვებსაიტზეა ხელმისაწვდომი. ის იმ საბავშვო ტანსაცმლის კოლექციის ნაწილია, რომელიც ემინემის სხვადასხვა ცნობილი იმიჯის შთაგონებით შეიქმნა.
2024 წელს ემინემმა გამოაქვეყნა კლიპი, სადაც ის კვლავ გამოეწყო Rap Boy-ს კოსტიუმში. ეს არის ვიდეო სინგლზე Houdini, რომელიც შესულია რეპერის უახლეს ალბომში – The Death of Slim Shady (Coup de Grâce). ალბომი გამოსვლისთანავე Billboard 20-ის ჩარტის პირველ ადგილზე მოხვდა.
ამავე ალბომშია შესული ბალადა Temporary – სიმღერა, რომელიც ემინემმა თავის სამ შვილს მიუძღვნა. ჰეილის გარდა, რომელიც რეპერის ერთადერთი ბიოლოგიური შვილია, ემინემი ალაინას და სტივის მამაც არის.
„ექოსკოპიის ფოტო გავუწოდე და მითხრა: ღმერთო, მოიცა, ეს რეალურია? ეს მართლა ხდება?” – ასე გაიხსენა ჰეილიმ ორსულობის ამბის გაზიარების მომენტი თავის პოდკასტში Just a Little Shady.
ჰეილის და მის ქმარს, ევან მაკლინტოკს ელიოტი მარტში შეეძინათ. ამის შესახებ ჰეილიმ სამი კვირის შემდეგ საჯაროდ გამოაცხადა და დაამატა, რომ ემინემის ნამდვილი სახელი – მარშალი მისი შვილის შუა სახელია.
Eminem’s legacy hits a new level as his grandson rocks the iconic 'Rap Boy' suit, channeling classic 'Without Me' energy. Culture keeps running in the family. See the tribute that bridges generations. https://t.co/DVTMWK6jtb pic.twitter.com/K17Mw8T6ow
— Complex Music (@ComplexMusic) July 16, 2025
