მწვანე ოთახმა ახალი სინგლი, სახელწოდებით Hot Lit Life გამოუშვა. ტრეკი მთელი გუნდის ერთობლივი შემოქმედების შედეგია, სადაც როგორც მუსიკა, ისე ტექსტი მთლიანად ჯგუფის მიერ არის შექმნილი.
კომპოზიციაზე მუშაობის ინსპირაცია ამერიკაში მოგზაურობასა და იქ გამართულ ლაივებს უკავშირდება. სწორედ იმ გამოცდილებებმა შთააგონა ბენდს, შეექმნათ სიმღერა, რომელიც მოგზაურობისგან მიღებულ თავისუფლების განცდასა და სცენაზე ყოფნის დინამიკას აერთიანებს.
აღსანიშნავია, რომ ეს ბენდის პირველი ლირიქ ვიდეოა, რომელზეც გრაფიკულმა დიზაინერმა კოკა კიტიამ იმუშავა.
„მუსიკა და ტექსტი ჯგუფმა მთლიანად თვითონ დაწერა. ამ ტრეკის შექმნის ინსპირაცია ამერიკაში მოგზაურობისა და იქ ჩატარებული ლაივების შემდეგ დაიბადა. ლირიქს ვიდეოზე ჯგუფმა პირველად იმუშავა გრაფიკულ დიზაინერ კოკა კიტიასთან, რომელმაც ზუსტად გადმოსცა სიმღერის ხასიათი.” – მწვანე ოთახი.
მოისმინეთ მწვანე ოთახის სინგლი Hot Lit Life:
