Tyler, The Creator-ისთვის Clipse-ის Let God Sort Em Out ალბომში მონაწილეობა ცხოვრების მიზნების სიაში ნამდვილად ერთ-ერთი იყო, განსაკუთრებით იმ პირობებში, როცა Pusha T-მ ის „ნომერ პირველ კლიპსტერად” მოიხსენია.
P.O.V-ის გამოცემიდან ერთი თვის შემდეგ ტაილერი კვლავ აღტაცებულია იმით, რომ ის Clipse-ის პროექტშია, მით უმეტეს, რომ უკვე ოც წელიწადზე მეტია, რაც ჰიპ-ჰოპ დუეტის ფანია.
გრემის მფლობელმა რეპერმა Apple Music-თან ახალ ინტერვიუში აღნიშნა, რომ Clipse-თან თანამშრომლობა მისთვის ცხოვრების ერთ-ერთი საუკეთესო მომენტი იყო.
„უბრალოდ აჭერ „ფლეის” და გესმის შენი ხმა Clipse-ის ალბომში. არ მგონია, ხალხი ხვდებოდეს, თუ რამხელა მნიშვნელობა აქვს ამას ჩემთვის. მქონდა გრემი, მქონდა სიმდიდრე, ყველაფერი უკვე მქონდა. თუმცა ეს მოვლენა ალბათ ჩემი ცხოვრების 8 საუკეთესო მომენტში შედის. ასე რომ, მადლობა Pusha, Malice, ფარელ. ყველანი ძალიან მიყვარხართ.”
Hot 97-თან ინტერვიუში ტაილერმა თქვა, რომ სიმღერისთვის მისი სტრიქონი დაახლოებით 79-100-ჯერ ჩაწერა, სანამ სასურველი შედეგი არ მიიღო. რეპერმა ისიც კი აღიარა, რომ ერთ მომენტში ლამის Pusha-ს მისწერა და ყველაფრის გაუქმება სთხოვა. „რამდენჯერმე ძალიან გავნერვიულდი. ვცდილობდი, სწორად მემღერა ჩემს ორ „რაშმორის მთასთან” (Cliple) ერთად, ასევე „რაშმორის მთის” (ფარელი) პროდიუსერობით შექმნილი სიმღერა. ჩემს თავს ვეუბნებოდი, რომ ის არ უნდა გამეფუჭებინა.
„დიდი ხანი დამჭირდა, რომ ჩამეწერა. უბრალოდ ვცდილობდი, იდეალური ყოფილიყო. Pusha-მ ტრეკი ტურნემდე გამომიგზავნა, სადღაც აპრილისთვის. მე კი უკან მაისის ბოლოს, ივნისის დასაწყისში დავუბრუნე.”
P.O.V. 65-ე პოზიციით შევიდა Billboard Hot 100-ში და გზა გაუკვალა Clipse-ის ალბომს Let God Sort Em Out, რომელმაც Billboard 200-ის მე-4 ადგილი დაიკავა.
მოუსმინეთ P.O.V.-ს და ნახეთ ტაილერის ინტერვიუ:
