6 მარტს საკონცერტო პრომოუტერმა Ocesa-მ გამოაცხადა, რომ მომღერალ P!nk-ის ორი კონცერტი, რომლებიც ამ გაზაფხულზე მეხიკოში, GNP Seguros-ის სტადიონზე უნდა გამართულიყო, გაუქმდა. ასევე გაუქმდა მომღერალ კაროლინა როსისა და რეპერ Lucho SSJ-ის შოუები, თუმცა Ocesa-მ ესპანურ Billboard-ს განუცხადა, რომ ამ
ორი არტისტის შოუების გაუქმება ერთმანეთთან დაკავშირებული არ არის.
სოციალურ ქსელში გავრცელებულ განცხადებაში პრომოუტერმა აღნიშნა, რომ P!NK-ის კონცერტები, რომლებიც 26 და 27 აპრილს იყო დაგეგმილი, გამოწვეულია „გაუთვალისწინებელი გარემოებებისგან წარმოქმნილი გართულებებით, რომლებიც გავლენას ახდენს ღონისძიების ლოჯისტიკაზე“. ეს სიტუაცია „არ ექვემდებარება არც არტისტის, არც პრომოუტერისა და არც საკონცერტო სივრცის კონტროლს“.
ეს კონცერტები ვარსკვლავის მექსიკურ სცენაზე დაბრუნების ნიშანი უნდა ყოფილიყო. „გვესმის, როგორ ელოდნენ ფანები ამ დღეს,” – ნათქვამია პრომოუტერის განცხადებაში.
კომპანიამ განაცხადა, რომ მათ, ვინც ბილეთები ონლაინ, Ticketmaster Mexico-ს მეშვეობით შეიძინა, სრული თანხა ავტომატურად დაუბრუნდებათ, ხოლო ისინი, ვინც ბილეთები სალაროებში შეიძინა, თანხის დაბრუნებას უახლოეს დღეებში ადგილზევე შეძლებენ.
