BTS საბოლოოდ ახალი ალბომით, ARIRANG-ით დაბრუნდა. Netflix-ის ახალ დოკუმენტურ ფილმში ბენდის წევრები ერთგულ გულშემატკივრებს – ARMY-ს, დეტალურად უამბობენ, თუ რა გზა გაიარეს ამ მიზნის ხელახლა მისაღწევად.
25 მარტს გამოქვეყნებულ თიზერ ვიდეოში – BTS: The Return კამერები თან დაჰყვება ჯგუფის წევრებს: RM-ს, ჯინს, შუგას, ჯეი-ჰოუპს, ჯიმინს, V-სა და ჯონგ კუკს, სადაც ალბომ ARIRANG-ისთვის ქავერ ფოტოს იღებენ. ფინალურ ნამუშევარში ბენდის შვიდი წევრი ორ რიგად, კოსტიუმებში გამოწყობილი პოზიორობს. თუმცა, დოკუმენტური კადრები აჩვენებს, თუ რამხელა ძალისხმევა დასჭირდა ამ ერთი შეხედვით მარტივ კადრს, სადაც პროდიუსერების, სტილისტებისა და კრეატიული ჯგუფის წევრები აქტიურად მუშაობენ Bangtan Boys-ის გარშემო.
თიზერში ასევე ნაჩვენებია ბენდის თითოეული წევრის ინდივიდუალური ინტერვიუ, სადაც მათი პიროვნული თვისებები უკეთ არის წარმოჩენილი. ვიდეოში ისმის რამდენიმე კითხვაც: „გრძნობთ თუ არა, რომ რაღაც სრულიად ახალს იწყებთ? რა შეიცვალა თქვენთვის, როგორც არტისტისთვის ყველაზე მეტად, იგივე ხაზს აგრძელებთ თუ რაიმე განსხვავებულს შესთავაზებთ მსმენელს? – თუმცა მათი პასუხები ჯერჯერობით საიდუმლოდ რჩება.
„ისინი დაბრუნდნენ! BTS იკრიბება ლოს-ანჯელესში ალბომ Arirang-ის ჩასაწერად. ეს ფილმი ბენდთან უპრეცედენტო წვდომას გვთავაზობს, ისინი ახალ ეპოქას იწყებენ.” – ვკითხულობთ დოკუმენტური ფილმის აღწერაში.
თიზერი BTS: The Return-ის პრემიერამდე მხოლოდ ორი დღით ადრე გამოვიდა, დოკუმენტური ფილმი Netflix-ზე 27 მარტს გამოვა. პროექტი დღის შუქს ARIRANG-ის გამოცემიდან ზუსტად ერთ კვირაში იხილავს. ალბომი 14 ტრეკისგან შედგება (მათ შორის არის სინგლი Swim). ალბომი ბენდის პირველ სრულფორმატიან ნამუშევარს წარმოადგენს, 2020 წლის Billboard 200-ის ლიდერი ალბომის, Be-ს შემდეგ.
ამჟამად ჯგუფი ARIRANG-ის აქტიური პრომოუშენშით არის დაკავებული, ისინი მართავენ სხვადასხვა პერფორმანსებს, რომლებიც აპრილში გლობალურ ტურნეში გადაიზრდება. სეულში გამართული მასშტაბური კონცერტის შემდეგ BTS ნიუ-იორკში გაემგზავრა, სადაც Spotify-ს შოუქეისში მიიღო მონაწილეობა, შემდეგ კი Guggenheim Museum-ში და The Tonight Show Starring Jimmy Fallon-ის ფარგლებში წარდგა აუდიტორიის წინაშე.
ნახეთ BTS-ის მომავალი დოკუმენტური ფილმის თიზერ ვიდეო.
