25 ივლისს ლედი გაგამ TikTok-ზე გამოაქვეყნა სახალისო ვიდეო, რომელშიც კონცერტის კულისებია ასახული. ვიდეოში ვარსკვლავს Mayhem Ball-ის ტურნესთვის სასცენო კოსტიუმი აცვია, მისი ვარცხნილობა კი ცნობილი Labubu-ს ვიზუალს მოგვაგონებს. გაგა კამერის წინ იღიმის და ამბობს: „მე Labubu ვარ!“
თუ ამ ტრენდს ჯერ კიდევ არ იცნობთ: Labubu არის სათამაშო, ჩინური ბრენდის – Pop Mart-ის მიერ შექმნილი ფიგურა, რომელიც სოციალურ მედიაში ვირუსულად გავრცელდა. მას ბასრი კბილები აქვს და სხვადასხვა ფერის ბეწვით არის შემოსილი. რეალურად, სათამაშო ფიგურა პატარა მონსტრია, ხოლო გაგას შემთხვევაში ასეთი ვიზუალი ვარსკვლავის სახელს – Mother Monster-ს პირდაპირ ეხმიანება.
გაგას სახალისო პოსტი TikTok-ზე მაშინ გამოქვეყნდა, როცა პოპ ვარსკვლავმა სან ფრანცისკოს Chase Center-ში Mayhem ტურნეს მეორე შოუ დაასრულა. გრემის მფლობელი არტისტის ტურნე ივლისის დასაწყისში ლას ვეგასში გამართული სამი კონცერტით დაიწყო და წლის ბოლომდე ჩრდილოეთ ამერიკას, ევროპასა და ავსტრალიას მოიცავს.
ტურნე ეძღვნება გაგას ახალ ალბომს, სახელწოდებით Mayhem, რომელიც მაისში გამოვიდა. სადებიუტო კვირაში ალბომმა Billboard 200-ის ჩარტში პირველი ადგილი დაიკავა. ეს არის ნამუშევარი, რომელშიც ლედი გაგა თავის ძველ ჟანრობრივ მიმართულებას უბრუნდება.
იხილეთ გაგას TikTok ვიდეო.
