ჯენიფერ ლოპესი და ბენ აფლეკი სადღესასწაულო სეზონს ზეიმობენ. მათ ჰოლივუდის დიდი წვეულება მოაწყვეს. მიწვეული სტუმრებისათვის წყვილმა ჯონ ლეჯენდის By Christmas Eve ერთად შეასრულა.
დუეტის სიმღერის ამსახველი მასალა წვეულების ერთ-ერთმა დამსწრემ აღბეჭდა. ამის შემდეგ, ვიდეოები სოციალურ ქსელში გამოქვეყნდა. წვეულებიდან რამდენიმე ვიდეო გავრცელდა. ერთ-ერთ ჩანაწერში ჯენიფერ ლოპესი სტუმრებს მიმართავს და უმხელს, რომ By Christmas Eve ბენ აფლეკის საყვარელი საშობაო სიმღერაა.
კიდევ ერთ ვიდეოში, ცნობილი საახალწლო სიმღერა, Jingle Bells ისმის. როგორც გამოცემა E! News იუწყება, ამავე საღამოზე ლოპესმა თავისი ჰიტი – On the Floor შეასრულა.
ცნობილია, რომ წყვილმა წვეულება საკუთარ სახლში გამართა. ჟურნალ People-ის მიერ გავრცელებული ინფორმაციით, საღამოს ესწრებოდნენ ისეთი ცნობილი სახეები, როგორებიც არიან: კიმ კარდაშიანი, ბილი აილიში, Doja Cat და პოპ კულტურის სხვა გავლენიანი ვარსკვლავები.
