პოპვარსკვლავმა კელი კლარკსონმა ტელეკომპანია NBC-ს ეთერში, საავტორო გადაცემის The Kelly Clarkson Show მუსიკალურ ნაწილში Kellyoke ცნობილი შვედური კოლექტივის ABBA ჰიტი Dancing Queen იმღერა. არტისტს აკომპანემენტს სცენაზე ტრადიციულად თავისი ლაივ ბენდი Y’all უწევდა.
• ნახეთ: კელი კლარკსონი ჰიტს Dancing in the Street ასრულებს
1976 წელს რიგით მეოთხე ალბომში Arrival შესულმა კომპოზიციამ Dancing Queen შვედურ პოპ ჯგუფს საყოველთაო აღიარება მოუტანა. ის დღემდე “აბბას” ერთადერთი სიმღერაა, რომელიც ბილბორდის ცხელი ასეულის სათავეში მოხვდა. ნამუშევარი 2015 წელს გრემის დიდების დარბაზში შეიყვანეს.
კელი კლარკსონმა პოპულარობა 2002 წელს შოუში American Idol გამარჯვებით მოიპოვა. ამავე წელს გამოსული მისი კომპოზიცია A Moment Like This ბილბორდის ცხელი ასეულის სათავეში მოექცა და წლის ყველაზე გაყიდვადი სინგლის სტატუსი დაიმსახურა. გრემის სამი ჯილდოს მფლობელ არტისტს კარიერის განმავლობაში 25 მილიონზე მეტი ალბომი აქვს გაყიდული. მუსიკოსს განსაკუთრებული წარმატება სიმღერებმა: Because Of You, Stronger, Since U Been Gone და Breakaway მოუტანა.
