Harley-Davidson Homecoming ფესტივალი ზაფხულში, ქალაქ მილუოკში ჩატარდება, სადაც მთავარ გამომსვლელებად Green Day და Foo Fighters დასახელდნენ.
ფესტივალი ამერიკის ერთ-ერთ უდიდეს შტატ უისკონსინში ჩატარდება, სადაც ას ოცი წლის წინ მოტოციკლეტების ცნობილი ბრენდი Harley-Davidson დაარსდა. ამ იუბილესადმი მიძღვნილი ფესტივალი ოთხი დღის განმავლობაში 13 ივლისიდან 16 ივლისის ჩათვლით გაგრძელდება. 13 ივლისს მთავარი გამომსვლელი, ამერიკული პანკ-როკ ჯგუფი – Green Day იქნება, 15 ივლისს კი, ამერიკული როკ-ჯგუფ Foo Fighters-ის კონცერტი არის დაგეგმილი.
ფესტივალის ზუსტი განრიგი ჯერ არ არის გამოქვეყნებული, თუმცა გამომსვლელი არტისტების ნაწილი უკვე ცნობილია: კოდი ჯინკსი, Social Distortion, Joan Jett & the Blackhearts, Phantogram, White Reaper და KennyHoopla. ღონისძიება მილოუკის ვეტერანთა პარკში 16 ივლისს დასრულდება. ბილეთების შეძენა კი Harley-Davidson-ის ვებსაიტიდან არის შესაძლებელი.
ორივე ბენდმა – Green Day-მ და Foo Fighters-მა ოფიციალურ სოციალურ ქსელში ღონისძიების შესახებ ფესტივალის მთავარი პოსტერი უკვე გამოაქვეყნეს. Green Day-მ ინსტაგრამზე დაწერა: „14 ივლისს მილოუკში, @harleydavidson-ის ას ოცი წლის იუბილეს აღვნიშნავთ”.
ნახეთ Green Day-ისა და Foo Fighters-ის განცხადებები Harley-Davidson Homecoming – ფესტივალის შესახებ:
