როგორც, ჩანს ლანა დელ რეის ქორწილი ახლოვდება. გავრცელებული ცნობით, 23 სექტემბერს მომღერალმა და გემის კაპიტანმა ჯერემი დუფრენმა ქორწინების უფლება მოიპოვეს. ინფორმაციას People ადასტურებს. უფლების მოპოვების შემდეგ წყვილს ქორწინებისთვის 30 დღე ექნება.
გასულ კვირას მომღერალი და მისი ბოიფრენდი ხელჩაკიდებული შენიშნეს. ისინი რამდენჯერმე დააფიქსირეს პაემანზეც. როგორც ჩანს, წყვილი ერთმანეთს რამდენიმე წელია, იცნობს. ლანა დელ რეის ჯერ კიდევ 2019 წელს აქვს გამოქვეყნებული დუფრენთან ერთად გადაღებული ფოტოები. ამ წლის მაისში კი მომღერალმა ის ინსტაგრამ პოსტზე დათაგა. ფოტოზე ლანა და-ძმასთან ერთადაა. „ოჯახი ჩემს ბიჭთან, ჯერემი დუფრენთან ერთად,” – დაწერა მომღერალმა.
თვის დასაწყისში წყვილი ასევე ხელჩაკიდებული დააფიქსირეს ნიუ-იორკში, მოდელ კარენ ელსონის ქორწილში.
დუფრენი საზღვაო კაპიტანია. გადაღებულ ვიდეოებში ჩანს, რომ მას საკმაოდ ახლოს შეუძლია ნიანგებთან მისვლა.
