გიორგი ერგემლიძე ახალ სიმღერას აზიარებს, სახელწოდებით Little Wait. სიმღერასთან ერთად მუსიკოსმა ამავე სახელწოდების EP-იც გამოსცა, რომელიც კომპოზიციის რამდენიმე განსხვავებულ ვერსიას აერთიანებს.
გიორგი ერგემლიძე:
„Little Wait 2020 წელს დავწერე და მისი რამდენიმე ვერსია გამოვუშვი. ამ ზამთარმა კი ახალი შთაგონება მომცა, სრულიად სხვა კუთხით გამეკეთებინა და საბოლოოდ EP-იც გამომეცა, სადაც სიმღერის რამდენიმე ალტერნატიული ვერსია შევიდოდა, მათ შორისაა პროდიუსერ Mad Man Lee-ს რემიქსიც. მართალია, სიმღერა პირდაპირ საახალწლო თემას არ ეხება, მაგრამ ატმოსფეროთი და განწყობით მთლიანად ახალ წელთან ასოცირდება.”
ჩანაწერი Little Wait-ის ოთხ ვერსიას აერთიანებს. ამასთანავე, მუსიკოსმა რამდენიმე რილსიც გააზიარა, სადაც სიმღერის ნაწყვეტები ცნობილი ფილმის „მარტო სახლში” კადრების ფონზე ჟღერს.
