წინანდლის მამული სიყვარულის დღეს მუსიკალური საღამოთი აღნიშნავს. 14 თებერვალს „რედისონ ქოლექშენი” კატო კვარაცხელიასა და ლუკა თოფურიას კონცერტს უმასპინძლებს, რის შემდეგაც მსმენელის წინაშე Bonjourlan წარდგება.
პარალელურად, წინანდლის მუზეუმში კვლავ ხელმისაწვდომია უტა ბექაიას ინსტალაცია, რომელიც ხელოვანმა ზამთრის პერიოდსა და მასთან დაკავშირებულ მოვლენას – ზამთრის მზებუდობას მიუძღვნა.
ინსტალაცია წინანდლის მამულში დეკემბრის თვეში გაიხსნა. დამთვალიერებელს მისი ნახვა თებერვლის ბოლომდე შეეძლება.
უტა ბექაია მულტიმედია არტისტია, რომელიც თბილისსა და ნიუ-იორკში საქმიანობს. მისი შემოქმედების ცენტრალური იდეა წინაპართა რიტუალების ერთგვარი გაცოცხლება და მათი ქვიარ, უტოპიურ მომავალში ხელახალი ინტერპრეტაციით წარმოდგენაა. ტრადიციული ხელოვნების შთაგონებით, ის ქმნის სკულპტურებს, კერამიკულ ნამუშევრებს, ტექსტილსა და ობიექტებს, რომლებსაც ინსტალაციებში, ფილმებსა და ცოცხალ პერფორმანსებში იყენებს.
