ნახეთ გიგი ადამაშვილის ახალი სიმღერა და ვიდეოკლიპი

“Sweet Marigold” საერთაშორისო ბაზარზე გასასვლელად ემზადება

გიგი ადამაშვილმა მსმენელს ახალი ვიდეოკლიპი წარუდგინა. Sweet Marigold – ასე ჰქვია სიმღერას, რომლის ავტორიც თავადაა. ტექსტი მარიამ მემე ჟორდანიას ეკუთვნის, კლიპის რეჟისორი კი მახო ყიფშიძეა. 

ეს არის პირველი სიმღერა, რომელიც მე თვითონ დავწერე და გამოვუშვი. Მანამდე ჩემთვის ვწერდი, რაღაც ჩანახატები მქონდა, მაგრამ ასე საჯაროდ პირველად გამოვიტანე და ამიტომაც, კიდევ უფრო განსაკუთრებულია ჩემთვის. როცა ვწერდი, სხვათა შორის, რაღაც სიტყვებს მე თვითონ ვღიღინებდი და ეს სიტყვები დარჩა კიდეც საბოლოო ვერსიაში. Შინაარსი ვიცოდი, თუ რაზე უნდა ყოფილიყო, თუმცა ტექსტი თავიდან ბოლომდე მარიამმა ააწყო, მან მისცა ის სიღრმე, რაც აქვს. მარიგოლდის იდეაც მას ეკუთვნის. მარიგოლდი (ზაფრანა) იშვიათი და გამორჩეული ყვავილია და ეს აზრი ძალიან მომეწონა, რადგან მინდოდა, გოგონასთან ყოფილიყო გაიგივებული. ეს სიმღერა დაკარგულ სიყვარულზეა. გოგონა ვიდეოში სწორედ ამ ყვავილთან ასოცირდება. ის ყველაფერი კი, რაც კლიპში ხდება, ჩემი გმირის მოგონებებია მასზე.” 

ვიდეოკლიპი Youtube-ის Vevo არხზე დევს და ის ქართულ-ბელგიური ლეიბლის Black Ink Records-ის ქვეშ გამოვიდა. უახლოეს მომავალში სიმღერის საერთაშორისო ბაზარზე გატანაც იგეგმება. 

ის, რომ ეს სიმღერა Vevo-ზეა, უკვე დიდი წარმატებაა და სხვა მასშტაბებს ნიშნავს. გაცილებით მარტივად შეიძლება დავაინტერესოთ მსოფლიო ბაზარი. ვმუშაობთ, რომ რაც შეიძლება ფართო მასებზე გავიდეთ და მოლაპარაკებები ამ კუთხით უკვე დაწყებულია. ამჟამად კი, კიდევ ერთ სიმღერაზე ვმუშაობ, რომელიც ასევე ჩემი დაწერილია. ასე რომ, მსმენელს მალე ისევ ახალ ნამუშევარს შევთავაზებთ.”

მოუსმინეთ გიგი ადამაშვილის ნამუშევრებს

Share
Tweet
Share
Share
Share

წინა სტატია

ბარბარა სტრეიზანდი - ფოტო: რასელ ჯეიმსი

ბარბარა სტრეიზანდის მეათე Live ალბომი Live at the Bon Soir გაყიდვების ჩარტების ტოპ ათეულშია

შემდეგი სტატია

Notorious B.I.G.

ჰიპერ რეალისტური Notorious B.I.G.-ს ფოტო და ვირტუალური კონცერტი Diddy-ს, The Lox-ის და  Latto-ს მონაწილეობით

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი